14 Nov Reagim me rastin e diskutimit në seancën e Këshillit të Prokurorëve Publikë lidhur me qëndrimin e ndarë publikisht nga grupi Blueprint për zgjedhjen e Prokurorit Publik Themelor të Prokurorisë Publike KOK

Grupi Blueprint për reformat në drejtësi përmes mediave i drejtohet Kryetarit të Këshillit të Prokurorëve Publik, z. Jolevski dhe e fton atë që të shprehet në emër të Këshillit për qëndrimin e Këshillit lidhur me diskutimin e udhëhequr nga anëtarët e Këshillit të Prokurorëve Publikë në seancën e mbajtur më 11 nëntor 2022, në të cilën janë drejtuar fyerje ndaj përfaqësuesve të shoqërisë civile, profesionistë në fushën e sundimit të se drejtës dhe zyrtarë. Prandaj, konteksti i diskutimit ishte jashtëzakonisht joprofesional, krejtësisht në kundërshtim me standardet e sjelljes etike të prokurorëve publikë dhe paraqet rrezik për krijimin e mosbesimit që mund të çojë në mosbashkëpunim me palët e interesuara në reformën në drejtësi.

Konkretisht, në seancën e 69-të publike të Këshillit të Prokurorëve Publik, të mbajtur më 11 nëntor 2022, ku morën pjesë përfaqësues nga organizatat anëtare të Grupit Blueprint për reformat në drejtësi, të cilët monitorojnë rregullisht punën e Këshillit të Prokurorëve publikë (në pikë të ndryshme të rendit të ditës), anëtarët e Këshillit hapën një diskutim për reagimet publike të opinionit profesional, ekspertëve juridikë dhe organizatave të shoqërisë civile lidhur me zbatimin e zgjedhjes së Prokurorit Publik Themelor KOK.

Në kuadër të diskutimit, një nga anëtarët e Këshillit në disa raste ka fyer grupin e Blueprint dhe shoqërinë civile në tërësi, me ç’rast ka tentuar të diskreditojë në mënyrë ofenduese punën e organizatave nga grupi i Blueprint. Nga diskutimi i këtij anëtari të Këshillit, i cili përmbante qëndrime të paargumentuara me reagimin e ndarë publikisht të grupit Blueprint për mungesën e transparencës në procesin e përzgjedhjes së Prokurorit Publik Themelor të PTH KOK, qëndrimi dhe synimi i tij për të treguar se organizatat e shoqërisë civile nuk duhet të japin fare mendim janë shqetësimi më i madh i publikut për punën e Këshillave se janë nën ndikim politik dhe kritikat që i drejtohen Këshillit synojnë të shkatërrojnë besueshmërinë e tij. Ky diskutim nuk u pengua as nga kryetari i Këshillit të Prokurorëve Publikë dhe as nga ndonjë anëtar tjetër, madje edhe më shqetësuese nuk u izolua. Gjegjësisht, në vazhdim të diskutimit të një anëtari tjetër të Këshillit, u theksua se qëndrimet e shprehura nga kolegu i tyre për grupin Blueprint janë qëndrime edhe të Këshillit.

Menjëherë pas përfundimit të seancës, grupi i Blueprint i dërgoi një letër z. Jolevski si kryetar i Këshillit të prokurorëve publikë me kërkesë që sa më shpejt të shprehet nëse qëndrimet e shprehura të dy anëtarëve janë qëndrime të Këshillit apo qëndrime personale të anëtarëve të Këshillit.

Duke u nisur nga bashkëpunimi i mëparshëm i grupit Blueprint për reformat në drejtësi dhe Këshillit të Prokurorëve Publikë, besojmë se me diskutimin e shprehur me ofendime dhe me tone joprofesionale, krijohet një mjedis mosbesimi dhe mosbashkëpunimi mes Këshillit dhe shoqërisë civile në një moment kyç për proceset e reformës në drejtësi dhe integrimet evropiane. Nuk na shqetëson qëndrimi nënvlerësues dhe fyes i një anëtari të Këshillit, i cili është jurist i shquar, dhe besojmë se paraqet presion edhe ndaj shoqërisë civile, për të kufizuar kritikat konstruktive të drejtuara ndaj punës së institucioneve publike, dhe duke ulur kështu shkallën e hapjes, gjithëpërfshirjes, transparencës dhe llogaridhënies së institucioneve të cilat janë elemente kyçe të parimit të sundimit të ligjit si themeli i shoqërive demokratike.

Presim z. Jolevski, si kryetar i Këshillit të Prokurorëve Publikë, i cili deri më tani ka treguar integritet të lartë profesional, ishte i hapur për komunikim dhe bashkëpunim me organizatat e shoqërisë civile, në emër të Këshillit të Prokurorëve Publikë, që të prononcohet për kërkesën e Blueprint grupit për reformën në drejtësi dhe njëkohësisht të distancohet publikisht nga qëndrimet e shprehura nga dy anëtarët e Këshillit kundër shoqërisë civile dhe t’u kërkojë atyre të kërkojnë falje për fyerjet e bëra ndaj përfaqësuesve të organizatave civile dhe ndaj të gjithë të tjerëve ndaj të cilëve u drejtoheshin fyerjet dhe diskreditimet.

Me respekt

, Shkup, 14.11.2022

• • Shoqata Maqedonase e Juristëve të Rinj (MZMP)
• • Instituti për Politikë Europiane (EPI)
• • Instituti për të Drejtat e Njeriut (IHR)
• • Koalicioni “Të gjithë për një gjykim të drejtë” (KSPS)
• • Komiteti i Helsinkit për të Drejtat e Njeriut
• • Qendra për Kërkime dhe Analiza Ligjore (CPIA)
• • Fondacioni Shoqëria e Hapur – Maqedoni (FOOM)